SPAK ka kërkuar sekuestron e 8 pronave dhe bëhet fjalë për banesa, toka dhe automjete në Shkodër.
Kërkesa është bërë për një banesë tre katëshe; banesë 2 katëshe; banesë 2 katëshe plus papafingo; një automjet tip Mercedez Benz, prodhim i vitit 2012; një automjet tip BMW i blinduar; një banesë dy kate plus njësi shërbimi; tokë are me sipërfaqe 1541 m2 në Shkodër; truall me sipërfaqe 350 m2.
Gjithashtu, nga data 7 shkurt deri më 20 shkurt, OFL ka dorëzuar 24 kërkesa në SPAK për vlerësim sekuestro për pasuri të ndryshme.
Njoftimi i SPAK:
“Pas hyrjes në fuqi të Aktit Normativ Nr.1, datë 31.01.2020, Drejtoria e Përgjithshme e Policisë së Shtetit, duke filluar nga data 07.02.2020 deri me datën 20.02.2020, ka paraqitur në Prokurorinë e Posaçme kundër Korrupsionit dhe Krimit të Organizuar Tiranë, 24 kërkesa për vlerësim sekuestroje për pasuri të ndryshme të bllokuara në kuadër të zbatimit të parashikimeve të Aktit Normativ.
Të gjitha kërkesat dhe dokumentacioni përkatës shoqërues, rast pas rasti, po i nënshtrohen vlerësimit nga prokurorët e Prokurorisë së Posaçme. Për disa prej tyre i është kërkuar Policisë së Shtetit plotësimi me dokumentacionin e plotë, që sipas Aktit Normativ, Policia e Shtetit duhet të sjellë bashkëlidhur me kërkesën për vlerësim sekuestroje.
Prokuroria e Posaçme, sot me datë 20.02.2020 ka dërguar aktet për 5 (pesë ) raste, për miratim sekuestroje në Gjykatën e Posaçme të Shkallës së Parë për Korrupsionin dhe Krimin e Organizuar, për pasuritë e mëposhtme :
Banesë 3 (tre) kate (Shkodër) Banesë 2 (dy) kate (Shkodër) Banesë 2 (dy) kate plus papafingo (Shkodër) Automjet tip “Mecedez Benz”, prodhim vitit 2012. Automjet tip “BMW”, i blinduar. Banesë 2 (dy) kate plus Njësi Shërbimi (Shkodër) Tok arë, me sipërfaqe 1541 m2 (Shkodër) Truall me sipërfaqe 350 m2 (Shkodër)
Rastet e tjera të referuara deri tani nga Policia e Shtetit janë duke u vlerësuar nga prokurorët e Prokurorisë së Posaçme dhe në përfundim, rast pas rasti, do të njoftohet mënyra e zgjidhjes së tyre”.
