Të zbresin apo jo? Përplasjet mes ministrive në Shqipëri lënë mes detit 70 turistë

Përplasja mes Ministrisë së Mbrojtjes dhe asaj të Turizmit lë në det 70 turistë.

Turistët ishin nisur me anije turistike për të eksploruar Gjirin e Vlorës dhe Ishullin e Sazanit.

Ministria e Mbrojtjes nuk lejon hyrjen në këtë ishull, ndërsa Ministria e Turizmit jep një urdhër paralel për hapjen e destinacionit për të gjithë vizitorët.

Anija u nis për herë të tretë, por sërish nuk u lejua të ankorojë në Sazan, duke detyruar operatorët turistikë që të “zhgënjejnë” turistët.