Kanë rënë në prangat e policisë së Gjiorokastrës dy persona të cilëve u është sekuestruar një sasi prej 21 kg kanabis. Ndërkohë, në kërkim është shpallur një tjetër shetas që dyshohet të ketë lidhje me dy të parët.
K. M, 22-vjeç, banues në fshatin fshatin Karjan në Gjirokastër. Gjatë kontrollit të banesës së shtetasit K.M. u konstatuan të kultivuara disa bimë narkotike. Dh.K., 48-vjeç banues në Kote dyshohet se ka qenë personi që ka pasur rolin e transportuesit të lëndës narkotike.
Ndërkohë shtetasi me inicialet J.K, i cili është shpallur në kërkim dyshohet të jetë organizator i ngjarjes.
Mësohet se personat në fjalë tentuan të shfrytëzonin kaosin në doganën e Kakavijës për të trensportuar asinë e drogës.
“Në vijim të punës për goditjen e veprimtarisë kriminale në fushën e narkotikëve dhe pas informacioneve të marra në rrugë operative, Policia e Gjirokastrës zhvilloi operacionin antidrogë të koduar “Fluksi”, në kuadër të të cilit u arrestuan në flagrancë shtetasit: K. M., 22 vjeç, banues në fshatin Karjan, Gjirokastër. Dh. K., 48 vjeç, banues në Kotë, Vlorë.
Arrestimi i shtetasve të mësipërm u bë pasi gjatë mbasdites së djeshme, shtetasi K.M. është kapur në flagrancë duke transportuar me automjetin e tij drejt kufirit Grek, dy çanta brenda të cilave kishte 21 kg lëndë narkotike Cannabis Sattiva si dhe lëndë narkotike e presuar në trajtën e cokollatës, të cilat u sekuestruan në cilësinë e provës materiale.
Nga veprimet e kryera hetimore rezultoi se lëndën narkotike do ta transportonte për në shtetin Grek shtetasi Dh. K. Gjithashtu u shpall në kërkim shtetasi J. K., si organizator i kësaj veprimtarie kriminale. Po kështu gjatë kontrollit të banesës së shtetasit K.M. u konstatuan të kultivuara disa bimë narkotike.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Trafikim i lëndëve narkotike” e mbetur në tentativë, e kryer në bashkëpunim, gjithashtu për shtetasin K.M. u referuan materialet dhe për veprën penale “Kultivim i bimëve narkotike”, njofton policia.
