U infektua gjithë stafi, mbyllet qendra shëndetësore në Elbasan

ISHP ka vendosur të mbyllë një qendër shëndetësore në Elbasan për shkak se stafi mjekësor rezulton i infektuar me koronavirus.

Qendra shëndetësore ndodhet në Lagjen “Skënderbej” në Fushë Mbret të Elbasanit, ku kanë rezultuar pozitiv 3 infermierë dhe dy mjekë që mbulojnë të gjithë lagjen me shërbime shëndetësore.

Për këtë arsye, ISHP ka vendosur të mbyllë sot qendrën, duke bërë edhe dezinfektimin e ambienteve të saj.