Loun Srdanovic e ka përcaktuar të ardhmen e tij në arenën ndërkombëtare. Mbrojtësi 20-vjeçar i Lille ka refuzuar mundësinë për të luajtur me Serbinë, pasi dëshiron të përfaqësojë vetëm Zvicrën.
I lindur në Gjenevë, Srdanovic ka nënën nga Kameruni, ndërsa babai i tij ka shtetësi serbe, kroate dhe gjermane. Për shkak të prejardhjes familjare, ai mund të zgjidhte teorikisht mes pesë kombëtareve.
Të lidhura
None found
Serbia u përpoq ta bindte mbrojtësin e djathtë t’i bashkohej ekipit A për grumbullimin aktual, por ai nuk e pranoi ftesën. Në një deklaratë për Blick, Srdanovic tha se ëndrra e tij që në fëmijëri ka qenë të luajë për Zvicrën, me përfaqësueset e grupmoshave të së cilës është aktivizuar që nga fillimi. Sipas tij, kontakti nga Serbia nuk i krijoi asnjëherë dilemë.
Pas ristrukturimit të Zvicrës U21, e cila nuk u kualifikua në Kampionatin Evropian, Srdanovic ka marrë një ftesë nga kjo përfaqësuese. Ai synon të lërë gjurmë në ekip dhe të marrë një rol udhëheqës. Futbollisti tha se kjo është ftesa e tij e dytë dhe se mund të ndajë përvojën me të tjerët, ndonëse të gjithë janë pothuajse të së njëjtës moshë.
Karriera e tij ka kaluar nëpër disa ndryshime gjatë vitit të fundit. Pas paraqitjeve të mira me Servette, Srdanovic u përball për një kohë të gjatë me probleme në ijë, përpara se të rikthehej si titullar nga fundi i sezonit.
Edhe pse numëronte vetëm 19 ndeshje në Superligën zvicerane, ai ngjalli interesimin e disa klubeve, mes tyre Young Boys. Në fund zgjodhi Lille, klub që garon në Ligën e Kampionëve dhe që pagoi rreth tre milionë euro për transferimin e tij.
Deri tani, 20-vjeçari nuk ka debutuar me ekipin e parë të Lille në Ligue 1. Ai ka zhvilluar tri ndeshje me ekipin rezervë të klubit francez.
