Zyra e Bashkimit Evropian në Kosovë ka reaguar pas njoftimit se Kuvendi i Kosovës mund të votojë nesër projektligjin për ndryshimin dhe plotësimin e Ligjit për Dhomat e Specializuara.
Në reagimin e saj, Zyra e BE-së vlerëson se ndryshimet e propozuara ngrejnë shqetësime serioze për përmbushjen e obligimeve ndërkombëtare të Kosovës dhe respektimin e parimeve themelore të sundimit të ligjit. Ajo përmend veçanërisht pavarësinë e gjyqësorit, mbrojtjen e viktimave dhe dëshmitarëve, vazhdimësinë e të drejtave procedurale dhe llogaridhënien efektive.
Të lidhura
None found
Sipas Zyrës së BE-së, pikëpyetje ka edhe për kushtetutshmërinë e këtyre ndryshimeve.
Zyra bën të ditur se, që nga kthimi i ligjit për rishqyrtim në Kuvendin e Kosovës, ka komunikuar në mënyrë aktive me autoritetet kosovare për t’u përcjellë shqetësimet dhe pritshmëritë e saj. Mes tyre është kërkesa që, përpara çdo miratimi të ligjit, të zhvillohen konsultime paraprake në përputhje me obligimet ndërkombëtare të Kosovës.
