Wall Street regjistroi rënien më të madhe brenda një dite që nga prilli 2025. Indeksi S&P 500 humbi 4.36%, Dow Jones ra me 3.44%, ndërsa Nasdaq me 5.52%.
Pas humbjeve në tregjet financiare që pasuan zgjedhjet e mesit të mandatit në SHBA, presidenti amerikan Donald Trump reagoi duke ua hedhur përgjegjësinë demokratëve.
Të lidhura
None found
Në Truth Social, Trump e cilësoi atë si një nga ditët më të këqija në historinë e bursës dhe e lidhi rënien me rezultatet zgjedhore. Sipas tij, pasojat u ndien edhe në kursimet e amerikanëve për pension.
Presidenti u shpreh se i vinte keq të shihte tregun të binte, pasi, siç tha ai, ishte dashur shumë punë për ta çuar në një nivel të paparë më parë. Ai shtoi se kishin rënë edhe llogaritë 401(k).
Megjithëse vijoi të fajësonte demokratët, Trump u përpoq t’i qetësonte investitorët dhe qytetarët amerikanë. Ai u bëri thirrje të mos trembeshin dhe tha se, së shpejti, në një mënyrë ose në një tjetër, vendi do të bëhej më i madh dhe më i fortë se kurrë.
