Gjykimi i nëntë policëve të akuzuar për keqpërdorim të pozitës dhe autorizimeve zyrtare në lidhje me zjarrin në diskotekën “Puls” në Koçan vazhdoi sot në Gjykatën Penale në Shkup. Në seancë, gjyqtarja Lenka Davitkova u shpreh për propozimet e një pjese të mbrojtjes në procedurën e provave.
Prokuroria pretendon se të pandehurit nuk e përmbushën detyrën zyrtare, pasi nuk kryen një kontroll të plotë e të hollësishëm para dhënies së pëlqimit pozitiv për lëshimin e licencës së veprimtarisë hotelierike për diskotekën “Puls” në Koçan.
Të lidhura
None found
Mbrojtja pritet t’i paraqesë provat materiale më 14 nëntor. Dëshmitarët e pranuar nga Gjykata duhet të thirren për të dëshmuar më 17 nëntor.
Zjarri shpërtheu gjatë performancës së grupit DNK, në orët e hershme të mëngjesit të 16 marsit 2025. Në diskotekën “Puls” humbën jetën 63 persona, ndërsa mbi 200 të tjerë u lënduan dhe u dërguan në institucione shëndetësore brenda dhe jashtë vendit. Ngjarja është ndër tragjeditë më të rënda në historinë e vendit.
