Gjatë konferencës së përbashkët për shtyp me ambasadorin e BE-së, Michalis Rokas, të zhvilluar me rastin e publikimit të Raportit të KE-së për Maqedoninë e Veriut, kryeministri Hristijan Mickoski deklaroi se anëtarësimi në Bashkimin Evropian vijon të jetë një objektiv strategjik i vendit.
Sipas tij, integrimi evropian do të mundësojë përfitime të rëndësishme, përfshirë zhvillimin profesional, vende pune, akses në një treg të hapur dhe më shumë siguri. Megjithatë, Mickoski nënvizoi se pozicioni i qeverisë për ndryshimet kushtetuese nuk ka ndryshuar: procesi i zgjerimit duhet të vlerësohet mbi bazën e rezultateve dhe punës së bërë, dhe jo përmes mosmarrëveshjeve dypalëshe.
Të lidhura
None found
“Ne besojmë te një Evropë që respekton parimet e veta dhe do të vijojmë të punojmë me të njëjtin përkushtim”, u shpreh Mickoski.
Kryeministri shtoi se Raporti vlerëson përputhjen e politikës së vendit me politikat e BE-së. Ai e cilësoi këtë si një konfirmim të drejtimit strategjik të Maqedonisë së Veriut dhe të rolit të saj si partner i sigurt dhe i besueshëm i Bashkimit Evropian.
