Barcelona ka përcaktuar presionin e lartë joefektiv si problemin kryesor taktik të shfaqur në dy humbjet e para të sezonit, përkatësisht ndaj PSG-së së Luis Enriques në Ligën e Kampionëve dhe kundër Real Madridit në El Clasico-n e luajtur në ‘Camp Nou’.
Edhe pse katalunasit kanë regjistruar fitore të thella ndaj kundërshtarëve të tjerë, këto dy ndeshje dëshmuan se ekipi i Hansi Flickut ende nuk është një skuadër e kompletuar.
Të lidhura
None found
Pas analizës së zhvillimeve, stafi teknik i drejtuar nga Flick arriti në përfundimin se organizimi mbrojtës i Barcelonës u vu në vështirësi nga lojtarë kundërshtarë me cilësi të larta individuale.
Barcelona pësoi gjashtë gola në 180 minuta, një statistikë që ka rritur shqetësimin e trajnerit gjerman. Flick e di se triumfi në Ligën e Kampionëve bëhet shumë i vështirë nëse presioni ndaj kundërshtarit nuk funksionon në mënyrën e duhur.
Aksioni i golit për epërsinë 1-0 në ‘Camp Nou’ nisi kur Raphinha u afrua për të ushtruar presion ndaj Dean Huijsenit, ndërsa Anthony Gordon u zhvendos gjatë në drejtim të Ibrahima Konates.
Ky pozicionim krijoi hapësirë për Aurelien Tchouamenin në mesfushë, pasi Fermin Lopez u vonua në mbulimin e zonës. Francezi përfitoi nga kjo situatë dhe u lidh me Fede Valverden në krahun e djathtë. Më pas, uruguaiani ia ktheu topin Tchouamenit, i cili vazhdonte të ishte i lirë dhe mundi ta zhvillonte më tej aksionin.
Pasiviteti i Lamine Yamalit në pozicionim ndikoi që Marc Cucurella dhe Bernardo Silva të mos mbuloheshin siç duhej. Si rrjedhojë, mesfushori portugez e mori topin me hapësirë përpara vetes.
Në atë moment nuk pati presion të mjaftueshëm as nga Rodri dhe as nga Pedri. Bernardo Silva pati kohën e nevojshme për ta kontrolluar topin dhe për ta dërguar atë në krahun e majtë.
Ndërhyrja e Cucurellas më vonë e detyroi Joao Cancelon të braktiste mbulimin ndaj Yan Diomandes. Kjo krijoi një hapësirë në qendër të prapavijës së Barcelonës, ku u fut Kylian Mbappé për të realizuar golin.
Edhe pse finalizimi ishte spektakolar, aksioni tregoi qartë dobësinë kryesore taktike të Barcelonës: vështirësinë për të ndërtuar një presion të koordinuar të lartë dhe për të ruajtur ekuilibrin në mbrojtje përballë kundërshtarëve të nivelit të lartë.
