Aleksandar Vuçiç u është drejtuar qytetarëve të Serbisë pas mbylljes së vendvotimeve për zgjedhjet parlamentare, në të cilat qytetarët serb patën mundësinë të zgjidhnin njërën nga 18 listat zgjedhore, në të cilat u propozuan gjithsej 2,418 kandidatë për 250 vende në parlament.
Aleksandar Vuçiq, bartës i listës “Serbia e Bashkuar”, ka deklaruar se lista e studentëve ka fituar numrin më të madh të mandateve në zgjedhje, bazuar në një mostër të shtresëzuar të rezultateve, transmeton Albeu.com.
Të lidhura
None found
“Nuk kemi rezultate përfundimtare.Shumë do të habiten dhe do ta kuptoni sa shumë gënjyen disa dhe çfarë shpikën. Dua t’ju informoj se, bazuar në një mostër të shtresëzuar, pra, është e qartë se i humbëm këto zgjedhje. Lista e studentëve-bllokues fitoi, ata do të kenë midis 135 dhe 140 mandate, ne kemi rreth 105. Askush tjetër nuk hyri në kuvend. Përfundimisht, po, hungarezët e Vojvodinës hynë me 3 mandate, dhe shqiptarët me një mandat, dhe dua të them SDA, mos më besoni fjalën time. Pra, kemi diku rreth 1,720,000, po ju them bazuar në mostër, është krejtësisht e parëndësishme. Ata kanë rreth 2,200,000”, deklaroi Vucic.
6,451,292 votues të regjistruar kishin të drejtë vote në zgjedhje dhe votimi u zhvillua në 8,392 qendra votimi. Votimi zgjati nga ora 7:00 e mëngjesit deri në orën 20:00, dhe pas mbylljes së qendrave të votimit filloi numërimi i votave. /albeu.com/
