Autobusë me votues serbë nga komuna e Zubin Potokut janë nisur në drejtim të Ribariqit, fshat në komunën e Tutinit, në Serbi. Ata po udhëtojnë të organizuar për të marrë pjesë në zgjedhjet e parakohshme parlamentare që zhvillohen sot në vend.
Autobusi i parë me qytetarë nga Zubin Potoku ka marrë rrugën për në Ribariq.
Të lidhura
None found
Qendrat e votimit në Serbi janë hapur në orën 07:00 dhe do të mbyllen në orën 20:00.
Në garë për 250 vende në Kuvendin e Serbisë janë 18 lista zgjedhore, me 2 mijë e 418 kandidatë për deputetë gjithsej.
Qytetarët serbë të Kosovës që kanë të drejtë vote mund të votojnë në 60 qendra të caktuara në Vranjë, Rashkë, Kurshumli dhe Tutin.
Që prej vitit 2023, Kosova nuk lejon hapjen e vendvotimeve për zgjedhjet parlamentare të Serbisë.
