Në kazermën “Adem Jashari” u zhvillua sot ceremonia e diplomimit për 515 ushtarë të rinj të Forcës së Sigurisë së Kosovës, ku mori pjesë edhe kryeministri Albin Kurti.
Gjatë fjalës së mbajtur para të diplomuarve, Kurti i inkurajoi ata që ta përmbushin me përkushtim dhe ndërgjegje të plotë misionin e lartë në dobi të shtetit.
Të lidhura
None found
Kreu i ekzekutivit theksoi se mbrapa çdo uniforme ushtarake qëndron e tërë shoqëria kosovare, bashkë me aspiratën e saj për të jetuar dhe ndërtuar nesër nën hijen e paqes.
“Të dashur ushtarë, mos e harroni asnjëherë se pas uniformës suaj ndodhen qytetarët e Kosovës, familjet e tyre, fëmijët që ëndërrojnë të rriten në paqe dhe një popull që lirinë e ka arritur me sakrificë e mundime të mëdha,” u shpreh Kurti.
Ai po ashtu vuri në dukje se figura dhe trashëgimia e kryekomandantit Adem Jashari vazhdojnë të shërbejnë si busull e përjetshme e vetëflijimit dhe angazhimit për vendin.
“Le të mbetet emri i kryekomandantit legjendar Adem Jashari një përkujtim i vazhdueshëm i asaj që do të thotë të ngrihesh për atdheun. Ky është atdheu ynë. Ky është shteti ynë. Liria është amanet. Ruajtja e saj përbën një tërësi funksionesh që i mbajmë së bashku, një përgjegjësi e ndarë midis institucioneve dhe qytetarëve. Urime diplomimin! Rroftë Forca e Sigurisë së Kosovës! Rroftë Republika dhe populli ynë!” përmbylli kryeministri Kurti.
