Como ka triumfuar bindshëm ndaj Manchester Unitedit në ndeshjen e vlefshme për xhiron e tretë të fazës së Ligës së Kampionëve.
Skuadra italiane dominoi gjatë gjithë takimit dhe nuk i la hapësirë gjigantit anglez, duke e mposhtur me rezultatin 4-1.
Të lidhura
None found
Epërsia e vendasve erdhi që në minutën e dytë, kur Nico Paz realizoi një gol të bukur për ta kaluar Comon në avantazh.
Como pati mundësi ta thellonte rezultatin edhe përmes Anastasios Douvikas, por sulmuesi grek nuk arriti ta mposhtte portierin Lammens.
Megjithatë, Douvikas u rikthye në pjesën e dytë dhe në minutën e 49-të shënoi golin e dytë të takimit për skuadrën italiane.
Dominimi i Comos vazhdoi, ndërsa Paz përfitoi nga një gabim amator i kundërshtarit dhe realizoi golin e tij të dytë personal, duke e çuar rezultatin në 3-0 në minutën e 57-të.
Fitoren e thellë të vendasve e konfirmoi Jacobo Ramon në minutën e 76-të, me një goditje me kokë pas harkimit të Kaiki.
Manchester Unitedi arriti vetëm të shënonte golin e nderit, me Joshua Zirkzee që realizoi nga afërsia në minutën e 90+1-të.
Pas këtij triumfi, Como ngjitet në vendin e gjashtë me gjashtë pikë, ndërsa Unitedi zbret në pozitën e 20-të me tre pikë.
