Një situatë e pazakontë u vu re gjatë mbrëmjes pranë rrugës “Myslym Shyri”, kur rreth 15 persona të maskuar dolën nga ambientet e brendshme të Ministrisë së Brendshme.
Grupi lëvizi mes ndërtesave institucionale në drejtim të kryqëzimit të rrugës “Myslym Shyri”, raportuan gazetarët e pranishëm në terren.
Të lidhura
None found
Për shkak të tensionit të krijuar, efektivët e policisë fillimisht dyshuan se bëhej fjalë për protestues dhe iu afruan personave.
Megjithatë, pas komunikimit të drejtpërdrejtë me ta, policia u tërhoq menjëherë, pa kryer kontroll apo pa i shoqëruar.
Raportohet gjithashtu se, në momentin kur vunë re kamerat, personat e maskuar nisën të thërrisnin parulla kundër qeverisë.
