Gjatë protestës së 15 tetorit në Tiranë, studentja Samanda Toçka mbajti një fjalim që u përhap gjerësisht në rrjetet sociale. Fjalët e saj sollën sërish në vëmendje shqetësimet e të rinjve shqiptarë për të ardhmen, emigrimin dhe mosbesimin ndaj politikës.
Me origjinë nga Prrenjasi, Toçka është në vitin e pestë të studimeve në Fakultetin Ekonomik të Universitetit të Tiranës. Duke folur për vështirësitë e rinisë, ajo ndau edhe historinë e familjes së saj, e cila jeton e ndarë mes Shqipërisë dhe emigracionit.
Të lidhura
None found
Sipas studentes, gjendja e të rinjve në Shqipëri është e rëndë. Ajo tha se nuk sheh një të ardhme të mirë për ta dhe se nuk u beson më politikanëve, përfshirë edhe figurat e reja të politikës.
Toçka tregoi se i ati jeton prej dekadash jashtë vendit dhe se pjesëtarët e familjes së saj janë shpërndarë në shtete të ndryshme. Përmes kësaj përvoje, ajo përshkroi ndikimin që emigrimi dhe mungesa e perspektivës kanë pasur në jetën e të rinjve dhe të shumë familjeve shqiptare.
Fjalimin e shpërndau edhe gazetari Osman Stafa, i cili u bëri thirrje atyre që ende nuk janë të bindur të dalin në protestë të dëgjojnë fjalët e studentes.
