Sulmuesi i Kosovës, Albion Rrahmani, është bërë pjesë e vëmendjes së mediave italiane pas paraqitjes së tij të fundit në Serie A me Venezia.
Të lidhura
None found
Ekipi i Venezias u mposht 3-1 në transfertë nga Atalanta, në takimin e vlefshëm për javën e gjashtë të kampionatit italian.
Trajneri Giovanni Stroppa e nisi ndeshjen me Akor Adams dhe John Yeboah në repartin ofensiv, dy lojtarët që deri tani kanë qenë zgjedhjet e tij të para.
Rrahmani u aktivizua vetëm në minutën e 87-të, por në pak minuta arriti të lërë më shumë gjurmë se dy sulmuesit e tjerë së bashku.
Futbollisti i Përfaqësueses së Kosovës tregoi energji dhe kërkoi vazhdimisht hapësira, ndërsa lëvizjet e tij tërhoqën menjëherë interesimin e mediave në Itali.
Rrahmani realizoi dy driblime spektakolare, duke ua kaluar topin mes këmbëve lojtarëve të Atalantas. I pari që pësoi këtë veprim ishte serbi Lazar Samardzic, ndërsa më pas edhe boshnjaku Sead Kolasinac.
Pas kësaj ndeshjeje, Venezia ndërroi trajner, duke emëruar Davide Nicolan. Mediat italiane vlerësojnë se ardhja e tij mund t’i sjellë Rrahmanit më shumë minuta në vazhdim.
