Ministria e Shëndetësisë e Maqedonisë siguroi 30.000 dozat e para të vaksinës kundër gripit përmes një huazimi nga Shqipëria, me ndërmjetësimin e UNICEF-it. Këtë e bëri të ditur ministria për “Sloboden Peçat”, duke shpjeguar se vaksinat u morën pasi tenderi dështoi, pasi asnjë prodhues nuk paraqiti ofertë.
Të lidhura
None found
Sipas Ministrisë së Shëndetësisë, dërgesa e parë u sigurua në kuadër të bashkëpunimit ndërkombëtar të krijuar mes vendeve fqinje, në këtë rast përmes UNICEF-it dhe Shqipërisë.
“Sloboden Peçat” raporton se, sipas të dhënave zyrtare të konfirmuara nga ministria, në vend kanë mbërritur rreth 30 mijë doza të vaksinës trivalente kundër gripit, të prodhuar nga kompania koreano-jugore “GC Biopharma”. Vaksinat janë për vitin 2026 dhe janë miratuar nga Organizata Botërore e Shëndetësisë. Një ditë më parë u njoftua se qytetarët mund të regjistrohen online për vaksinim në linkun e publikuar.
Profesori Dr. Dragan Danillovski komentoi për “Sloboden Peçat” vaksinën e ardhur nga Shqipëria përmes UNICEF-it. Ai e shqyrtoi atë edhe për shkak se vaksina po përdoret për herë të parë në Maqedoni dhe qytetarët e vendit nuk janë vaksinuar më parë me këtë produkt.
“Vaksinimi ndaj gripit sezonal është gati të nisë. Publiku më në fund është informuar se vaksinat e mbërritura prodhohen nga kompania koreano-jugore ‘GC Biopharma’. Ky është një informacion me rëndësi për qytetarët. Bëhet fjalë për një prodhues, vaksinat e gripit të të cilit përdoren prej kohësh në nivel ndërkombëtar, ndërsa disa produkte të tij janë parakualifikuar nga Organizata Botërore e Shëndetësisë (OBSH). Parakualifikimi nënkupton se produkti përkatës ka kaluar një proces ndërkombëtar të përcaktuar për vlerësimin e cilësisë, sigurisë dhe efikasitetit.
Megjithatë, kjo nuk është e njëjtë me autorizimin rregullator për përdorim në vendin tonë dhe nuk e zëvendëson kontrollin e serisë së veçantë të dorëzuar”, u shpreh Danillovski./Telegrafi/
