Mikel Merino ka bërë të qartë se Arsenali synon të triumfojë në çdo kompeticion këtë sezon, teksa beson se skuadra ka forcën për të luftuar për të katër trofetë.
Të lidhura
None found
Skuadra londineze po kalon një periudhë të jashtëzakonshme në sezonin 2026/27. Të martën, Arsenali mposhti Lille me shifrat 3-0 në Ligën e Kampionëve, duke marrë fitoren e dytë në po kaq ndeshje. Për vendasit në “Emirates Stadium” shënuan Jurrien Timber, Eberechi Eze dhe Bukayo Saka.
Nën drejtimin e Mikel Artetës, Arsenali ka fituar 14 ndeshjet e fundit në fazën e grupeve dhe atë të ligës në Ligën e Kampionëve. Gjatë kësaj serie, londinezët kanë arritur ta mbajnë portën të paprekur në nëntë raste.
Merino ishte pjesë e ekipit që sezonin e kaluar fitoi Ligën Premier, ndërsa mungoi në finalet e Ligës së Kampionëve dhe Kupës së Ligës. Megjithatë, mesfushori mendon se këtë sezon Arsenali ka mundësinë të shkruajë një kapitull historik.
“Është një seri e jashtëzakonshme. E kuptojmë se po shkruajmë histori në këtë garë, por njëkohësisht jemi të vetëdijshëm se fitimi i ndeshjeve është shumë i vështirë. Skuadra meriton vlerësim dhe respekt të madh për atë që po arrin”.
“Ne duam ta fitojmë Ligën e Kampionëve, Ligën Premier dhe çdo trofe tjetër. Ky është synimi i trajnerit, tifozëve dhe i të gjithë lojtarëve”.
Hapi i radhës për Arsenalin në Kupën e Ligës do të jetë përballja me Fleetwood Townin në fazën e 1/8 së finales. Ndërkohë, aventura e londinezëve në Kupën FA do të nisë në janar të vitit të ardhshëm.
Kur u pyet nëse ekipi mund të fitojë të katër trofetë gjatë këtij sezoni, Merino u përgjigj pa hezitim.
“Absolutisht. Ky është mentaliteti dhe objektivi ynë. Sezonin e kaluar ishim shumë, shumë pranë dhe kjo na tregoi se jemi gati. Tashmë gjithçka do të përcaktohet nga detajet, përqendrimi dhe gatishmëria jonë në momentet e rëndësishme. Ne besojmë se mund t’ia dalim”.
Arsenali nuk ka arritur të fitojë më shumë se një trofe madhor brenda të njëjtit sezon që nga edicioni 2001/02, kur siguroi titullin e Ligës Premier dhe Kupën FA.
