Antonio Conte mund të rikthehet në futbollin anglez, pasi tekniku italian është i hapur ndaj mundësisë për të drejtuar Manchester Unitedin në rast se klubi i paraqet një ofertë.
Të lidhura
None found
Gazetari italian Daniele Longo raporton se ish-trajneri i Chelseat dhe Tottenhamit do ta konsideronte seriozisht një ulje në stolin e “Djajve të Kuq”.
Conte aktualisht është pa skuadër, pasi u nda nga Napoli në përfundim të sezonit të kaluar. Trajneri synon të rikthehet në Ligën Premier dhe të marrë drejtimin e një klubi të madh me ambicie për t’u ngjitur sërish në majat e futbollit.
Ndërkohë, Manchester Unitedi ende i beson Michael Carrickut, edhe pse forma e fundit e ekipit ka shtuar ndjeshëm shqetësimet.
“Djajtë e Kuq” kanë marrë vetëm dy fitore këtë sezon, ndërsa në pesë ndeshjet e fundit nuk kanë arritur të triumfojnë.
Përballë kësaj situate, drejtuesit e klubit mund të nisin të shqyrtojnë mundësi të tjera për stolin. Conte shihet si një kandidat që do të mund të sillte përvojë dhe mentalitet fitues te skuadra angleze.
