Italia do të rikthehet në krye të misionit paqeruajtës të KFOR-it në Kosovë.
Të lidhura
None found
Detyra e komandantit të ardhshëm të forcës shumëkombëshe të Aleancës së Atlantikut të Veriut i është besuar gjeneralmajorit Roberto Vergori, oficer i Ushtrisë Italiane me eksperiencë të gjerë në njësitë ajrore dhe në operacionet ndërkombëtare.
Ceremonia e transferimit të komandës do të zhvillohet më 14 tetor, në orën 11:00, në selinë e KFOR-it në Prishtinë.
Gjatë këtij ceremoniali, gjeneralmajori i Ushtrisë turke Özkan Ulutash do t’ia kalojë përgjegjësinë gjeneralmajorit të Ushtrisë italiane Roberto Vergori.
Ngjarja do të drejtohet nga admirali George M. Wikoff, komandant i Komandës së Forcave të Përbashkëta Aleate në Napoli.
