Real Madridi njoftoi sot (e mërkurë) se mbrojtësi spanjoll Raul Asencio do t’i nënshtrohet një operacioni për shkak të një dëmtimi në kockën e këmbës së djathtë. Ky është një tjetër problem për mbrojtjen e të bardhëve këtë sezon.
Në deklaratën zyrtare, klubi mbretëror bëri të ditur se ndërhyrja është planifikuar për nesër dhe se ajo synon trajtimin e një frakture në kockën e këmbës së djathtë të lojtarit.
Të lidhura
None found
Gazeta spanjolle Marca raporton se rikuperimi pas operacionit pritet të zgjasë dy deri në katër muaj, çka do ta mbajë Asencion jashtë fushave deri në fillim të vitit të ardhshëm.
Dhimbjet e detyruan mbrojtësin të ndërpriste sërish stërvitjen. Shqetësimi nuk u qetësua dhe një tjetër episod dhimbjeje në zonën e dëmtuar çoi në vendimin për operacion. Një ditë më pas, klubi nga Valdebebas konfirmoi atë që i druhej.
