Futbolli amerikan ka një tjetër protagonist me origjinë shqiptare. Në moshën 17-vjeçare, Adri Mehmeti u bë pjesë e historisë së Përfaqësueses së Shteteve të Bashkuara të Amerikës.
Të lidhura
None found
Mesfushori e nisi si titullar sfidën që SHBA-ja fitoi 4-2 ndaj Kilit, duke u shndërruar në lojtarin më të ri të aktivizuar nga minuta e parë prej Mauricio Pochettinos që kur tekniku mori drejtimin e kombëtares amerikane.
Formacioni ku u përfshi Mehmeti kishte një moshë mesatare prej 23.1 vjetësh. Për të, kjo ishte paraqitja e dytë me fanellën e Shteteve të Bashkuara, pas debutimit të mëparshëm në një ndeshje miqësore.
Edhe në nivel klubesh, 17-vjeçari po fiton një rol të rëndësishëm. Ai është bërë titullar i rregullt i New York në MLS dhe gjatë këtij sezoni ka shënuar një gol, ndërsa ka dhënë katër asistime në kampionat.
Pavarësisht këtyre paraqitjeve, e ardhmja e Mehmetit në rang kombëtaresh mbetet ende e hapur.
Dy ndeshjet e luajtura deri tani për SHBA-në kanë qenë miqësore, çka do të thotë se futbollisti mund të zgjedhë një tjetër përfaqësuese në të ardhmen.
