Donald Trump po e shqyrton seriozisht mundësinë e përshkallëzimit të përplasjes me Iranin, ndërsa një vendim për këtë çështje pritet të merret së shpejti.
Të lidhura
None found
Kthimi i tij i parakohshëm nga fundjava në Camp David ka shtuar dyshimet se Shtetet e Bashkuara mund të ndërmarrin një zhvillim të ri ushtarak.
Gjatë një interviste telefonike për Fox News të dielën, presidenti amerikan renditi tre mundësi për të ardhmen e Iranit: arritjen e një marrëveshjeje me SHBA-në, përkeqësimin e mëtejshëm të gjendjes ekonomike të vendit ose “shkatërrimin” e Iranit.
“Pyetja ime është: kur dhe nëse do ta shkatërroj të gjithë vendin?”, deklaroi Trump, duke shtuar më pas: “Më mirë të sillen mirë.”
Konflikti ndërmjet SHBA-së dhe Iranit tashmë ka hyrë në muajin e shtatë. Gjatë kësaj periudhe, Trump ka lënë vazhdimisht të kuptohet se po vlerëson dy rrugë kryesore: zgjerimin e veprimeve ushtarake ose negociimin e një marrëveshjeje të re me Teheranin.
Edhe më herët gjatë javës, në një prononcim për Axios, Trump tha se ndodhej përballë “një vendimi të rëndësishëm” për mundësinë e “shkatërrimit” të regjimit iranian.
