SPB-ja e Ohrit ka ngritur kallëzim penal ndaj H.B., 27 vjeç, nga fshati Kosel i Ohrit, dhe P.P., 28 vjeç, nga Prilepi, i cili qëndron përkohësisht në Ohër. Ata dyshohen për kryerjen e veprës penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”. Përveç kësaj, P.P. dyshohet edhe për “mundësimin e përdorimit të drogave narkotike”.
Të lidhura
None found
Gjatë kontrollit të ushtruar më 10.09.2026 në banesën e të dyshuarit të dytë, me urdhër gjykate, policia gjeti dhe sekuestroi paketime me marihuanë dhe kokainë. Sipas hetimeve, lëndët narkotike ai i kishte marrë nga i dyshuari i parë dhe më pas i kishte ndarë në paketime të tjera për t’i shitur.
Në momentin e bastisjes, në banesë ndodhej edhe një i mitur nga Manastiri, të cilit P.P. dyshohet se i kishte mundësuar konsumimin e marihuanës.
Dy personat u privuan menjëherë nga liria. Ndërkohë, i mituri u mor në pyetje në prani të prindërve dhe përfaqësuesve të Qendrës për Punë Sociale, pas së cilës pritet të dorëzohet edhe parashtresa përkatëse, njoftoi MPB-ja./Telegrafi/
