Agon Dobruna do të vazhdojë të ushtrojë detyrën e Zëvendësministrit të parë në Ministrinë për Punë, Familje dhe Vlerat e Luftës Çlirimtare, në kuadër të Qeverisë Kurti 4.
Të lidhura
None found
Lajmin e ka bërë të ditur vetë Dobruna përmes një postimi në rrjetet sociale, ku njoftoi se është riemëruar në këtë pozitë. Ai shprehu mirënjohje ndaj kryeministrit Albin Kurti dhe Lëvizjes Vetëvendosje për besimin e treguar.
“Vazhdojmë me përgjegjësi dhe përkushtim në Qeverinë Kurti 4”, shkroi Dobruna.
Duke folur për angazhimin e tij të ardhshëm, ai theksoi se do ta kryejë detyrën me përkushtim, përgjegjësi dhe punë të ndershme, me synim shërbimin ndaj qytetarëve dhe vendit.
“Këtë përgjegjësi do ta vazhdoj me angazhim, përkushtim dhe punë të ndershme, gjithmonë në shërbim të qytetarëve dhe të vendit”, deklaroi ai.
Në përmbyllje të mesazhit të tij, Dobruna falënderoi për mbështetjen dhe e shoqëroi postimin me thirrjen: “Vazhdojmë!”.
