Zyra e Kryeprokurorit të Shtetit organizoi një takim lamtumirës për prokuroren Laura Pula, e cila sot mbushi moshën e pensionimit. Ceremonia u mbajt për të nderuar punën dhe kontributin e saj shumëvjeçar në sistemin prokurorial.
Të lidhura
None found
Gjatë këtij takimi, Kryeprokurori i Shtetit, z. Zejnulla Gashi, i dorëzoi prokurores Pula një mirënjohje për profesionalizmin, përkushtimin dhe kontributin e treguar në kryerjen e detyrës. Ai vlerësoi veçanërisht angazhimin dhe përgjegjshmërinë e saj profesionale në shërbim të institucionit dhe të sistemit të drejtësisë.
Duke e falënderuar për punën e bërë ndër vite, Kryeprokurori Gashi i uroi Laura Pulës shëndet, mirëqenie dhe çdo të mirë në etapën e re të jetës së saj.
Në mbyllje të takimit, prokurorja Laura Pula shprehu falënderimet dhe mirënjohjen për bashkëpunimin shumëvjeçar, duke çmuar kolegët dhe bashkëpunëtorët me të cilët kishte punuar gjatë karrierës së saj profesionale.
