Ish-kryeministri i Kosovës, Isa Mustafa, ka bërë thirrje për një proces të drejtë dhe të paanshëm ndaj ish-drejtuesve të Ushtrisë Çlirimtare të Kosovës që po gjykohen në Hagë.
Të lidhura
None found
Përmes një postimi në Facebook, Mustafa shprehet se Kosova pret rikthimin e tyre në atdhe, duke i cilësuar ata si personalitete kyçe të UÇK-së.
“Kosova sot krenohet dhe solidarizohet me personalitetet kyçe të UÇK-së që po gjykohen në Hagë; kërkon drejtësi dhe paanshmëri për ta. Pret që bijtë e saj, të cilët luftuan për liri dhe pavarësi, të kthehen në atdheun e tyre. Aty ku e kanë vendin”, ka shkruar Mustafa.
Ndërkohë, sot në orën 14:00 pritet të zhvillohet një marsh protestues, në prag të shpalljes së vendimit përfundimtar për ish-krerët e UÇK-së në Hagë.
