Aksidenti i ndodhur në rrugën Veles-Shtip i ka marrë jetën një 46-vjeçari nga Kumanova.
Të lidhura
None found
Sipas të dhënave paraprake, viktima ishte në drejtimin e një automjeti tip Skoda Fabia, i cili për shkaqe ende të panjohura doli nga rruga. Për shkak të plagëve të pësuara, shoferi ndërroi jetë në vendngjarje.
Trupi i të ndjerit është dërguar për obduksion me urdhër të autoriteteve kompetente. Ndërkohë, në vendin e aksidentit është zhvilluar inspektimi, ndërsa institucionet përkatëse po punojnë për të zbardhur shkaqet dhe rrethanat e ngjarjes.
Detaje të tjera pritet të bëhen të ditura pas përfundimit të hetimeve.
