Sipas të dhënave të Qendrës për Menaxhim me Kriza, deri në orën 07:30 të mëngjesit janë evidentuar 31 vatra zjarri në ambiente të hapura. Prej këtyre, tre janë ende duke u përhapur dhe katër të tjera janë vënë nën kontroll nga ekipet e ndërhyrjes.
Të lidhura
None found
Flakët aktive po përfshijnë zonën mes fshatrave Burinec, Lokov, Sellce dhe Elevci në territorin e Komunës së Strugës, si dhe afër fshatit Belica në Komunën e Makedonski Brodit. Një tjetër vatër zjarri është duke u zhvilluar pranë fshatit Brest, që ndodhet në Komunën e Çuçer-Sandevës.
Ndërsa katër zjarret që janë tashmë në kontroll përfshijnë atë pranë fshatit Bençe në Makedonski Brod, afër fshatit Tajmishte në Komunën e Kërçovës, si dhe në zonën e fshatit Graçan në Komunën e Gjorçe Petrovit. Gjithashtu, në Dellçevë, një deponi ilegale mbeturinash është përfshirë nga flakët, por situata atje po mbahet nën kontroll.
