Përparim Bajrami, ish-drejtor i “Lotarisë Shtetërore”, i dyshuar për përvetësim dhe keqpërdorim të detyrës zyrtare, është paraqitur mëngjesin e sotëm pranë organeve të ndjekjes, pasi më herët ndodhej në arrati.
Të lidhura
None found
Bajrami, nga Kumanova dhe i lindur më 10 shkurt 1993, u paraqit vullnetarisht dhe në këmbë në orën 05:35 te organet kompetente.
Për të ishte lëshuar masë arresti me kërkesë të SPB-së, përkatësisht Sektorit për Kërkime, në bazë të nenit 354, paragrafi 5, të Kodit Penal.
Pas konfirmimit të masës, ai u privua nga liria dhe do të përcillet pranë organeve kompetente për procedurë të mëtejshme./Telegrafi/
