Presidenti i Federatës së Italisë: Serie A deri në tetor

Gabriele Gravina ka konfirmuar se përfundimi i këtij sezoni të Serie A-s do të jetë muaji shtator ose tetor.

Presidenti i Federatës së Futbollit të Italisë ka zbuluar se futbolli mund të rikthehet në fund të muajit maj, por që ndeshjet do të zhvillohen pa tifozë.

“E vetmja rrugë dalje që për mbyllur këtë sezon në emergjencë është që të gjejë rrugët e duhura”, ka thënë ai për Rai Sport.

“Ne jemi duke punuar në projektet se si të menaxhojmë situatën në mënyrën më të mirë të mundshme”.

“Është e mundshme që të rikthehemi më 17 maj, por ende nuk e dimë saktësisht. Edicioni mund të përfundojë në muajin shtator ose tetor, në mënyrë që t’i shpëtojmë futbollin tonë”, ka shtuar më tej Gravina.

Liga e Kampionëve dhe Liga e Evropës në anën tjetër mund të mbyllen në gusht, e që sezoni 2020/2021 do të shtyhej edhe më tej.