Hristijan Mickoski, kryeministri i Maqedonisë së Veriut, ka deklaruar nga Berlini se vendi i tij dhe Europa do të përballen me një dimër të rëndë, për shkak të sfidave të shumta globale dhe situatës së ndërlikuar të sigurisë në botë.
Deklaratat u bënë pas një aktiviteti të thirrur nga kancelari gjerman Friedrich Merz, i cili u përqendrua te sfidat botërore dhe zhvillimet e sigurisë ndërkombëtare.
None found
Në këtë takim morën pjesë edhe të dërguarit e posaçëm amerikanë për negociatat për Ukrainën, Steve Witkoff dhe Jared Kushner, ndërsa presidenti amerikan Donald Trump u përfshi përmes telefonit.
Sipas Mickoskit, Trump i njoftoi pjesëmarrësit për takimet që ka zhvilluar me presidentët e Rusisë dhe Kinës.
Kreu i qeverisë maqedonase e vlerësoi si të rëndësishme praninë e Maqedonisë së Veriut në diskutimet ndërkombëtare dhe kontributin e saj në përpjekjet për të kapërcyer sfidat globale.
Ai paralajmëroi se si Maqedonia, ashtu edhe e gjithë Evropa, do të përjetojnë një periudhë dimërore të vështirë, por theksoi se qeveria po punon që qytetarët ta kalojnë këtë sezon në kushte normale, pavarësisht vështirësive ndërkombëtare.
Mickoski e përshkroi gjithashtu situatën aktuale globale si një luftë të tretë botërore që po zhvillohet në heshtje, ndërsa shtoi se autoritetet po gjejnë mënyra dhe po krijojnë strategji për të lehtësuar standardin e jetesës së qytetarëve maqedonas.
Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…
Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…
Një nënë në Kolumbi është bërë virale në rrjetet sociale pasi u fut pa hezitim në një arenë demash për…
Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…
Një nënë në Kolumbi është bërë virale në rrjetet sociale pasi u fut pa hezitim në një arenë demash për…
Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…