Igli Tare: Sezoni duhet të përfundohet edhe për respekt të viktimave

Nëse sezoni aktual i Serisë A anulohet për shkak të shpërthimit të koronavirusit do të ishte një “katastrofë”, sipas drejtorit sportiv të Lazio, Igli Tare.

Kampionati italian është pezulluar pafundësisht për shkak të krizës Covid-19, me lojtarët dhe stafet nga të gjitha klubet që janë në izolim në përputhje me rregullat e reja të qeverisë.

Pandemia ka goditur më shumë Italinë se çdo vend tjetër në botë, me 101,739 raste të konfirmuara dhe 11.591 vdekje të regjistruara deri më tani.

“Sezoni duhet të përfundojë. Kampionati duhet të luhet për shkak të respektit për të vdekurit dhe të gjithë tifozët”, tha drejtori i Lazios për Sport 1.

“Koha nuk është arritur ende për të vendosur mbi anulimin e sezonit. Numri i të infektuarve po zvogëlohet dhe ndërprerja e sezonit do të ishte e padrejtë”.

Kujtojmë se lacialët janë në luftë për titull në këtë edicion të Serie A, si asnjëherë më parë këto dy dekada.