Ish-drejtori sportiv i Milanit, Igli Tare, ka folur në një intervistë për SportMediaset, ku u ndal te eksperienca e tij me kuqezinjtë dhe te ajo që e pret klubin, në një moment kur po zhvillohet një ristrukturim i plotë në nivel drejtues.
Pas një sezoni në të cilin Milani nuk arriti të sigurojë një vend në Ligën e Kampionëve, drejtuesit e klubit vendosën të largojnë si Taren, ashtu edhe Allegrin. Në këtë kontekst, ish-drejtori sportiv shqiptar ndau vlerësimin e tij për trajnerin italian dhe për periudhën e kaluar te klubi.
None found
“Ai [Allegri] është i klasit të parë, vendimi i Napolit ishte i mençur, në përputhje me ambiciet që klubi ka dhe duhet të vazhdojë të ketë për sezonin e ardhshëm”, u shpreh fillimisht Tare.
Më tej, ai theksoi se situata të tilla janë normale në botën e futbollit dhe në natyrën e profesionit. Sipas tij, që prej vitit të kaluar Allegri ishte ndër emrat e mundshëm për Napolin, ndaj lidhja mes palëve kishte mbetur aktive.
“Unë dhe Max flasim shpesh, çdo dy ose tre ditë telefonojmë njëri-tjetrin: kemi bërë disa gabime, por Allegri është një trajner që ka bërë shumë mirë në historinë e futbollit italian dhe do të vazhdojë ta bëjë këtë”.
Tare shtoi gjithashtu se dëshira e tij është që Milani të arrijë stabilitet dhe të ndërtojë një plan serioz për të ardhmen.
I pyetur për Leaon, ai tha se nuk është i sigurt nëse është e drejtë apo jo që lojtari të kërkojë përvoja të reja, por nënvizoi se kur lind një dëshirë e tillë, kjo tregon se raporti ka përfunduar dhe se cikli ka marrë fund. Sipas tij, cilësitë e futbollistit nuk vihen në diskutim, por ai duhet të gjejë më shumë vazhdimësi në ndeshje, pasi është një lojtar që mund t’i vendosë ato i vetëm. Tare shtoi se këtë vit kjo nuk ndodhi, edhe për shkak të problemeve fizike që kishte lojtari.
Ndërkaq, pak ditë më parë Milani zyrtarizoi trajnerin e ri: portugezi Ruben Amorim do të marrë vendin e Max Allegrit në stolin e kuqezinjve. Megjithatë, gjendja brenda klubit mbetet ende e papërfunduar dhe në fazë përcaktimi.
Barcelona mbetet e bindur se mund të përfundojë një marrëveshje për të nënshkruar mesfushorin e Manchester Cityt, Rodri, raporton eksperti…
Qendra Kombëtare për Menaxhim Kufitar në kuadër të Ministrisë së Punëve të Brendshme përditësoi të dhënat e fundit për gjendjen…
Zbulimi i vazhdueshëm i varrezave masive në Kosovë ka rikthyer në vëmendje përmasat e krimeve të kryera ndaj shqiptarëve gjatë…
Ditën e shtunë vendi ynë parashikohet të vijojë të jetë nën ndikim të masave ajrore të qëndrueshme dhe të nxehta.…
Një furgon me targa të Maqedonisë së Veriut është përfshirë nga flakët mëngjesin e kësaj të shtune në afërsi të…
Kryetari i Partisë Demokratike të Kosovës, Bedri Hamza, tha se mënyra se si kryetari i Vetëvendosjes Albin Kurti po vepron…