Shkatërrimi i kartelit të parë shqiptar, Artan Hoxha nxjerr foton e “kokës” nga burgu

Gazetari investigativ, Artan Hoxha ka hedhur dritë mbi operacionin e bujshëm në 10 shtete të Europës dhe Azisë.

“Los Blancos” çoi një numër të madh shqiptarësh pas hekurave, të cilët akuzohet se kishin sjellë në kontinentin e vjetër tonelata me kokainë përgjatë viteve të fundit.

Më i rendësishmi i arrestuar është pikërisht Elti Dizdari që u kap në Dubai, i cili konsiderohet si koka e grupit të shqiptarëve që furnizonin me kokainë Europën.

Me këtë operacion u tha se u shkatërrua karteli shqiptar i kokainës, por Artan Hoxha nuk mendon kështu.

Përmes një postimi në Facebook, Hoxha thekson se është shkatërruar vetëm një pjesë e klanit, krahu që i përket Elti Dizdarit, kurse grupi i Dritan Rexhepit, i njohur si furnizuesi me sasi të mëdha kokaine nga Ekuadori, rezulton të mos jetë prekur.

Postimi i Hoxhës

Pas superoperacionit te zhvilluar ne 10 shtete te Europes dhe te Azise, ku u deklarua me buje se, eshte shkaterruar karteli i pare shqiptare i kokaines, me erdhen dy foto domethenese nga kryeqyteti i Ekuadorit, Kuito…

Ne foton e pare, eshte personazhi i cilesuar ditet e fundit nga autoritetet italiane, si truri apo koka e kartelit shqiptar te kokaines, Dritan (Gramoz) Rexhepi, ne qeline e tij, ne burgun e sigurise se larte ne Kuito te Ekuadorit, ku ai ndodhet i arrestuar qe nga 26 qershori i vitit 2014….praktikisht rezulton se ai e ka formuar dhe drejtuar kartelin nga burgu…

Ne foton e dyte, eshte nje mesazh i koduar nepermjet nje targe te nje taksie ne kryeqytetin e Ekuadorit,“0035 KÇK”…e cila te kujton moton e bere publike nga kryeministri Rama, “kap ç’a t’kapesh”…

Besoj do te thote, se eshte kapur “tropojani”(Eldi Dizdari) dhe rrjeti i tij, pra vetem njeri nga degezimet e kartelit, por nuk eshte shperbere karteli…
Kampionati vazhdon…