Çati në ajër, pemë të rrëzuara e makina copë copë! Italia veriore përfshihet nga stuhi të forta

Çati që fluturuan në erë, pemë të rrëzuara dhe makinë të dëmtuara. Kjo është panorama e Milanos, e cila u godit mbrëmjen e shkuar nga një stuhi e fuqishme, por më e keqja nuk ka kaluar ende.

Një stuhi e dhunshme me erë, shi dhe rrufe goditi të Premten në mbrëmje në kryeqendrën e Lombardisë, e para stuhi rreth orës 21 dhe tjetra rreth mesnatës, duke shkaktuar dëme veçanërisht në zonën veriore të qytetit. Zjarrfikësit ndërhynë në situata të ndryshme, përfshirë pastrimin e rrugëve nga pemët.

Dhe parashikimet nuk janë optimiste, pasi gjatë fundjavës, një fazë tjetër e motit të keq pritet të godasë Italinë Veriore (të Dielën gjithashtu në Qendër) me një rrezik të lartë të stuhive të forta shoqëruar me breshër.

Mbrojtja Civile ka lëshuar alarmin portokalli (gjendja e para-alarmit) në disa sektorë të Lombardisë.

Për të shtunën, pritet një qiell shumë i vranët në pjesën më të madhe të rajoneve veriore, me shtrëngata të përhapura e madje edhe të forta në zonat para-alpine dhe alpine dhe stuhi breshëri në Luginën Po., shkruan “Corriere”. Temperaturat maksimale po bien ndjeshëm, madje edhe me 10 gradë.