Këshillat që ju ndihmojnë të menaxhoni jetën në çift gjatë karantinës

Socialiteti është një nga fushat më të prekura nga izolimi. Ndryshimi i papritur i zakoneve të përditshme po i vë në provë të gjitha familjet, shumë prej të cilave më parë ishin partneritete të detyruara.

Të përballesh çdo ditë me qëndrimin tërësisht në shtëpi, të heqësh dorë nga koha e lirë dhe të përjetosh një ndjenjë izolimi, minon ekuilibrin e brendshëm dhe rrjedhimisht, atë të një çifti. “Izolimi shtyp lirinë, ose të paktën idenë që kemi për të, duke vepruar në përvojën tonë psikologjike”, thotë Vincenzo Gesualdo, presidenti i Urdhrit të Psikologëve të rajonit të Puglias.

“Ekziston një ndryshim thelbësor midis qëndrimit në shtëpi duke e ditur që ju mund të dilni lirshëm dhe të mos jeni në gjendje të dilni jashtë sepse jeni të detyruar të ndani kohë dhe hapësira relativisht të ngushta” vazhdon Gesualdo. “Ndërsa mundësia e zgjedhjes pushon së ekzistuari, atëherë shfaqen konflikte.”

Koha dhe hapësirat për të ndarë

Një nga aspektet për tu marrë më shumë në konsideratë ka të bëjë me hapësirat fizike që duhet të ndahen, në disa raste shumë të ngushta. Të jetosh në një shtëpi të vogël, mbase me 2 ose 3 persona, mund të forcojnë gjendjen e stresit. Për të përkeqësuar situatën, në shumë raste, ekziston vështirësia ekonomike. Në fakt, shumë njerëz po humbasin punën e tyre dhe të tjerët po fitojnë shumë më pak. Pra, përveç që është një proces i ndërlikuar nga pikëpamja logjistike, ai është gjithashtu edhe emocional. Të kesh kohë për veten dhe të gdhendësh hapësirat individuale është një veprim i rëndësishëm për të mbajtur gjallë çiftin.

Emocioni i zakonshëm në këtë periudhë është ankthi ndaj diçkaje të panjohur, jo të dukshme dhe që nuk e dimë se sa do të zgjasë. Diçka që nuk njihet gjeneron frikë, një emocion që është thelbësor për mbijetesën tonë, por kur bëhet i pakontrollueshëm mund të çojë në reagime të acaruara ndaj atyre që kemi pranë nesh, në këtë rast partnerit tonë, duke gjeneruar stres të fortë.

Rëndësia e komunikimit

Për t’u siguruar që jeta në çift të zgjas edhe pas karantinës së pakursyer, është thelbësore t’i kushtohet vëmendje komunikimit midis partnerëve, një element thelbësor për dobinë dhe efektivitetin e tij. Zbuloni se sa fjalë mund të zëvendësojnë një puthje, sa e rëndësishme është të japim një emër për ato që ne ndiejmë t’i ndajmë me ata përreth nesh. “Është thelbësore të jesh në gjendje të kuptosh vlerën e vërtetë të të qenit çift” vazhdon Gesualdo. “Pesha e ankthit, në këtë moment edhe më shumë, duhet të ndahet mes të dyve dhe jo ta mbajë vetëm një”.

Të qenit të aftë t’i shprehni emocionet dikujt dhe të kuptoni ato të tjetrit presupozon një angazhim të madh të brendshëm, duke shkuar përtej besimit se mënyra jonë e të qenurit është më e mirë se ajo e tjetrit. “Karantina po i vendos të gjithë përpara kufijve të tyre, por në të njëjtën kohë po piqet pjesa më autentike tek të gjithë ne, ajo që do të na bëjë të vlerësojmë gjestet e vogla, të cilat tani janë ndaluara dhe i marrim si të mirëqena, si vlera e një përqafimi”, përfundon Gesualdo. “Idealja është të forconi strategjitë e bashkëjetesës dhe të përmirësoni jetën e një çifti, aspekte që do të ndihmojnë në forcimin e marrëdhënies edhe pas kësaj karantine”.