Të dobishme apo të dëmshme? Pesë gjërat që duhet t’i dini për karbohidratet

Në shumicën e dietave të njohura në vitet e fundit karbohidratet janë paraqitur negativisht, prandaj ose janë përjashtuar plotësisht nga dieta apo janë lejuar me rregulla të rrepta (ndonjëherë të pamundura) dhe kufizime.

Një studim i kohëve të fundit në Klinikën Mayo, botuar në revistën “The Journal of the American Osteopathic Association” ka zbuluar se një dietë me përmbajtje të ulët në karbohidrate është më efektive në humbjen e peshës se një dietë e ulët në yndyrë – edhe pse dallimi është i vogël.

Gjithashtu, hulumtuesit ishin në gjendje që të konkludojnë vetëm se dietat me përmbajtje të ulët me karbohidrate janë të sigurta për shëndetin nëse praktikohen jo më shumë se gjashtë muaj.

Ekipi i hulumtuesve, i udhëhequr nga Dr. Heather Fields, ka analizuar kërkimet dhjetë vjeçare për regjimet popullore të dietës me përmbajtje të ulët në karbohidrate dhe gjeti se ka njohuri të pamjaftueshme për efektet e mundshme afatgjata.

Prandaj, etiketimi i ndonjë grupi të ushqimeve, si “i mirë” ose “i keq” nuk është i dobishëm, kështu që duhet të jemi të kujdesshëm me çdo dietë e cila përfshin rrezikun e një mungese të mundshme të materieve ushqyese në favor të humbje së shpejtë të peshës.

Në fund të fundit, karbohidratet luajnë një rol të madh në furnizimin e trupit tonë me energji dhe me këtë edhe në funksionimin tonë të përgjithshëm.

Rob Hobson, autor i librit “The Detox Kitchen Bible” (Bibla e detoksfikimit në kuzhinë) tregon pesë faktet kryesore rreth karbohidrateve:

1. Karbohidratet nuk kanë “shkaktuar” problemet tona me peshën e trupit
Njerëzimi ka kohë që merr ushqime të pasura me karbohidrate, dhe vetëm në dekadat e fundit ka pasur një rritje të shpejtë në trashje dhe numrin e njerëzve me mbipeshë, kështu që ato nuk mund të jenë fajtori i vetëm për mbipeshë.

2. Faktori i përpunimit të ushqimit
Obezitetit dhe sëmundjet që e shoqërojnë këtë problem global i ka kontribuar ushqimi i pasur me karbohidrate të rafinuara, duke përfshirë sheqerin, por jo të gjitha karbohidratet. Deri te ky problem me siguri që nuk ka ardhur nga frutat, perimet dhe drithërat.

3. Çfarë përmbajnë karbohidratet?
Perimet e pasura me amidon, të tilla si kungulli, kanë më pak karbohidrate se sa ushqimet e tjera, të tilla si ushqimet e miellit të bardhë të rafinuar, ndërsa janë të pasura me fibra, e që ju ndihmon të jeni të ngopur dhe ju mbron nga rreziku i sëmundjeve të zemrës dhe disa llojeve të kancerit.

4. Sa më komplekse, aq më mirë
Edhe pse perimet dhe farat shpesh shihen si një burim i proteinave për vegjetarianët, ato janë gjithashtu një burim i karbohidrateve komplekse (të cilat janë të pasura me fibra). Ky grup i ushqimeve përmban gjysmën e karbohidrateve të drithërave të rafinuara dhe të bardha dhe është ndër burimet më të mira të fibrave.

Perimet dhe farat përmbajë gjithashtu edhe më shumë hekur, zink dhe kalcium krahasuar me produktet nga mielli i rafinuar, që është me vlerë të paçmueshme për njerëzit që nuk hanë mish apo produkte të qumështit. Mund t’i përdorni të plota ashtu që i hidhni në sallatë, supë apo gjyveç, ose i grini që të fitoni një shtojcë për gjellën kryesore me përmbajtje të ulët të karbohidrateve.

5. Hani drithëra
Tërshëra është drith me kokërr të plotë dhe ofron mëngjes jashtëzakonisht ushqyes, e cila përmban më pak karbohidratet se drithërat e tjera plot me sheqer.

Tërshëra gjithashtu përmban më shumë proteina dhe fibra se shumë drithëra të tjera, e që ju ndihmon të qëndroni të ngopur.