Eshtë shpallur në kërkim babai i deputetit të Kuvendit, Klajdi Qama.
61-vjeçari, Selim Qama është administrator i subjektit ‘Klerajdi’, kompani e cila nxirrte gurë nga mali i Tomorit edhe pas pezullimit të lejes.
None found
Më herët, Policia e Beratit njoftoi se nga specialistët e Seksionit për Hetimin e Krimit Ekonomik e Financiar u bë arrestimi në flagrancë i shtetasve:
•D. L., 26, vjeç, banues në fshatin Novaj, Skrapar, administrator i një subjekti që i është revokuar licenca e ushtrimit te aktivitetit, me objekt veprimtarie “Grumbullim, përpunim dhe tregtim i gurëve dekorativë”;
•S. K., 40 vjeç, banues në Poliçan, punonjës i një subjekti
Si dhe u shpall në kërkim shtetasi S. Q., 61 vjeç, banues në Tiranë, administratori i subjektit.
Arrestimi i dy shtetasve dhe shpallja në kërkim e administratorit u bë pasi shërbimet e Komisariatit të Policisë Skrapar, në bashkëpunim me punonjës të Administratës së Zonave të Mbrojtura Berat, në aksin dytësor Novaj–Pronovik, në vendin e quajtur “Qafa e Sqepurit”, kanë konstatuar me dy mjete, njëri pa targa, të ngarkuar me pllaka guri dekorative, të nxjerra në Malin e Tomorit, zonë e shpallur “Park Kombëtar”, duke dëmtuar habitatin natyror të zonës së mbrojtur.
Dyshohet se këta shtetas materialin e gurit të nxjerrë në mënyrë të paligjshme në këtë zonë e tregtonin duke pasur aktivitetin me status të pezulluar dhe me fatura fiktive.
Materialet iu referuan në Prokurorinë pranë Gjykatës së Shkallës së Parë Berat, për veprat penale “Dëmtimi i habitateve në zonat e mbrojtura mjedisore”, ‘’Fshehja e të ardhurave’’ dhe “Mospagimi i taksave dhe tatimeve”.
Në kuadër të aksionit më të madh për pastrimin e vendit, Ministria e Mjedisit dhe Planifikimit Hapësinor njofton se, për…
Kryetari i BDI-së Ali Ahmeti, në Kuvendin zgjedhor të partisë në Butel gjatë fjalimit të tij ka folur edhe për…
Ministria e Shëndetësisë mirëpret publikimin e Raportit të Auditimit për Pasqyrat Financiare Vjetore për vitin 2025 nga Zyra Kombëtare e…
Pavarësisht reshjeve të shiut që kanë përfshirë kryeqytetin gjatë mbrëmjes së sotme, protestuesit nuk kanë hequr dorë nga aksioni i…
Juglindja e vendit është përfshirë nga një stuhi shiu mbrëmjen e së mërkurës, duke sjellë reshje të dendura dhe aktivitet…
Sevastopoli, qyteti më i madh në Krime, ka mbetur pa energji elektrike pas një sulmi ajror ukrainas që goditi rrjetin…