Ronaldinho flet për burgun: Nuk do ta harroj kurrë këtë eksperiencë, nuk ishte e lehtë për mua

Ronaldinjos iu desh të kalonte disa jëvë në burg, më saktë 32 ditë, për shkak se u ndalua në Paraguaji duke qenë se kishte hyrë në këtë vend me pasaportë false.

Autoritet e ndaluan menjëherë dhe fillimisht e lanë të kalonte në procedim të lirë, por më pas ndryshuan mendje duke i vendosur prangat e mbyllur mes katër mureve ish-futbollistin.

Mirëpo, tashmë makthi më i madh ka përfunduar dhe ish-sulmuesi po qëndron në një hotel në Paraguaji, së bashku me vëllain e tij. Së fundmi, 40-vjeçari ka dhënë një intervistë për Mundo Deportivo duke folur për 60 ditë shumë të gjata, duke përfshirë edhe izolimin e tij në hotel.

“Kanë qenë 60 ditë shumë të gjata. Njerëzit në shtëpi me koronavirusin duhet ta dinë se si ndjehesh të mos bësh dot atë që je mësuar. Mendoj se kjo do të na ndjekë gjithmonë pas kësaj eksperience. Barcelona më ka qëndruar pranë në këtë moment të vështirë dhe i falenderoj të gjithë për mesazhet.

Nuk ka qenë një moment i lehtë për mua. Tani jam më i qetë, këtu te hoteli bëjnë gjithçka që të ndjehem mirë. Mund të bëj sport çdo ditë, edhe pse 60 ditët kanë qenë të gjata. Mendoj se këtë eksperiencë të vështirë nuk do ta harroj kurrë”, u shpreh Ronaldinjo.