“Jemi të gjithë një skuadër”, flet Dybala: Qëndroni në shtëpi

Ylli i Juventusit, Paolo Dibala ka dhënë një mesazh inkurajues këtë të premte kundër koronavirusit, duke deklaruar se sot jemi të gjithë bashkë një skuadër.

Në një bashkëbisedim në Instagramin e tij, në prani dhe të partneres Oriana Sabatini, sulmuesi argjentinas tha se këshilla e vetme për fansat është të qëndrojnë në shtëpi siç po bën dhe ai.

“Ne jemi të gjithë një skuadës, pra nuk jemi të ndarë në ngjyra politike apo ekipesh. E vetmja këshillë që dua t’iu jap është të qëndroni në shtëpi, ashtu si unë.

Dua të falenderoj doktorët dhe infermierët, të cilët po vënë në rrezik shëndetin e tyre ama po bëjnë punë të jashtëzakonshme. Koronavirusi po përhapet me shpejtësi në Itali, por shpresoj të gjendet një zgjidhje sa më shpejt,” deklaroi 26 vjeçari argjentinas, partnerja e të cilit gjithashtu bëri thirrje të mos dilet nga shtëpia.