”Pulë e keqe”, deputetja ofendon publikisht Vjosa Osmanin

Deputetja e PDK-së, Ganimete Musliu e ka quajtur “pulë të keqe”, kryeparlamentaren Vjosa Osmani, pasi ajo ka dalë kundër LDK-së në formimin e qeverisë së re. E ftuar në emisionin Frontal në T7, Musliu ka deklaruar se Osmani po e luan kartën e viktimizimit.

“Vjosa, s’kisha deshtë mu merr me të sepse zakonisht është problematike sepse ka ditë me luajt me kartën e viktmizimit, se po e sulmojnë veç se është femër”, ka thënë ajo.

“Megjithatë me një fjalë po e përmbledhi, ti je rritë në fshat unë në fshat, ato pulat e kqija që e kanë hangër drithin në shtëpi të vet, e vonë e kanë ba në kojshi s’kanë as të ardhme. E ardhmja e saj politike nuk është në ditët më të mira të saj”, ka thënë Musliu.