Willy Sagnol, ish-mbrojtësi i Bayern Munich dhe i Kombëtares së Francës, ka vlerësuar maksimalisht Michael Olisen, duke deklaruar se aktualisht ai është futbollisti më i mirë në botë.
None found
Në një prononcim për “BILD”, Sagnol u shpreh se, nëse 24-vjeçari nuk arrin të fitojë “Topin e Artë” në fund të vitit, atëherë sipas tij ka diçka që nuk funksionon siç duhet në futboll.
“Olise është më i miri në botë, shumë përpara të gjithëve të tjerë. Nëse ai nuk e fiton Topin e Artë në fund të vitit, atëherë diçka seriozisht nuk shkon me futbollin”, deklaroi Sagnol.
Sipas tij, ajo që e dallon Olisen është përkushtimi ndaj skuadrës dhe ndikimi që jep në lojë, çka e vendos përpara futbollistëve të tjerë të momentit. Ai shkoi edhe më tej, duke e krahasuar me emra të mëdhenj si Lionel Messi dhe Cristiano Ronaldo.
Sagnol theksoi gjithashtu se lojtari i Bayernit mendon fillimisht për ekipin dhe jo për shifrat personale, ndërsa në këtë aspekt e krahasoi edhe me Zinedine Zidane.
“Zinedine Zidane ishte pikërisht i njëjti. Lionel Messi dhe Cristiano Ronaldo, të cilët kanë dominuar futbollin botëror për 15 vitet e fundit, ende luajnë pak më shumë për veten dhe statistikat e tyre. Nuk kam asgjë kundër Ronaldos dhe Messit, ata janë të mrekullueshëm. Olise është thjesht një lojtar i vërtetë ekipi.”
Ai nënvizoi se, ndryshe nga shumë yje të futbollit modern, Olise nuk e ndërton lojën e tij mbi statistikat, dhe pikërisht kjo, sipas Sagnol, e bën atë kaq të veçantë në futbollin e ditëve të sotme.
Megjithëse ende nuk ka realizuar gol në Kupën e Botës, Olise ka regjistruar gjashtë asistime në katër ndeshje.
Portieri i Argjentinës, Emiliano Martinez, ka lënë të kuptohet se mund t'i japë fund karrierës së tij me kombëtaren pas…
Duket se “Odisea” do të jetë hiti më i madh i verës, me fitime globale prej 264 milionë dollarësh në…
Ministria e Punëve të Brendshme informon se zyrtarët e policisë janë vazhdimisht në terren dhe po veprojnë sipas të gjitha…
Qytetarët që po planifikojnë të udhëtojnë drejt ose nga Kosova mund ta bëjnë këtë pa pritje të gjata, pasi në…
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë…
Në orët e para të mëngjesit, një ngjarje e rëndë është regjistruar në Himarë, ku një punonjës i Operatorit të…