Paraqitjet e fundit të Vinicius Junior me Real Madridin kanë shtuar kritikat ndaj tij në Spanjë. Braziliani po përjeton një rënie të ndjeshme të formës që prej zgjatjes së kontratës me klubin dhe tashmë numëron gjashtë ndeshje rresht pa gol apo asist.
Edhe suksesi 3-2 përballë AEK Athinës nxori në pah vështirësitë e sulmuesit 26-vjeçar për të arritur nivelin që pritet prej tij. Në përmbysjen e madrilenëve, rrugën e rrjetës e gjetën Kylian Mbappe, Jude Bellingham dhe Fede Valverde, ndërsa Vinicius mbeti sërish pa kontribut në rezultat.
None found
Gjatë 81 minutave në fushë kundër skuadrës greke, ai tentoi tri herë drejt portës, por nuk e gjeti kuadratin në asnjë rast. Takimin e mbylli pa shënuar, pa dhënë asist dhe pa realizuar me sukses qoftë edhe një driblim.
Megjithatë, Jose Mourinho vijon t’i japë mbështetje publike brazilianit. Në përfundim të ndeshjes në Greqi, tekniku portugez e cilësoi të pranueshme lojën e tij dhe sqaroi se vendimi për ta zëvendësuar lidhej edhe me kërkesat e takimit dhe administrimin e ngarkesës fizike.
Bilanci sezonal i Viniciusit mbetet nën pritshmëri: në 12 paraqitje, ai ka shënuar vetëm një gol dhe ka dhënë tri asistime. Hera e fundit kur mori pjesë drejtpërdrejt në një gol ishte gjashtë ndeshje më parë, duke shënuar serinë e tij më të gjatë pa gol ose asist që nga sezoni 2022/23.
Vështirësitë në lojën individuale shfaqen edhe në tri përballjet më të fundit evropiane. Kundër Romës, RB Leipzigut dhe AEK Athinës, sulmuesi nuk regjistroi asnjë driblim të suksesshëm.
Një tjetër krahasim vjen nga të dhënat e publikuara përpara takimit me AEK-un. Deri në atë moment të sezonit, Yan Diomande kishte përfunduar me sukses 36 driblime, kurse Vinicius vetëm 15.
Debati për rendimentin e brazilianit lidhet edhe me marrëveshjen e re me Real Madridin. Pas bisedimeve të gjata me drejtuesit, më 6 gusht ai firmosi kontratën që e mban në klub deri më 30 qershor 2032.
Sipas raportimeve, gjatë negociatave futbollisti kishte kërkuar rreth 30 milionë euro pagë në vit. Kjo shifër nuk mori konfirmim zyrtar si pjesë e kontratës, ndërsa raportime të ndryshme e vendosin pagën e tij neto në afërsisht 24 milionë euro për sezon.
Pesha e kësaj marrëveshjeje dhe pritshmëritë për rolin e tij te Real Madridi kanë bërë që paraqitjet e fundit të shoqërohen me pikëpyetje të mëdha.
Vinicius do të mungojë edhe kundër Valencias më 7 nëntor, pasi i mbetet për të shlyer takimin e fundit të pezullimit prej katër ndeshjesh.
Pas përfundimit të angazhimeve të kombëtareve, përballja me Celta Vigon më 21 nëntor do t’i japë mundësinë e radhës për t’u rikthyer në kampionat.
Rreth 70 mijë efektivë policie dhe personel sigurie do të angazhojnë autoritetet franceze në të gjithë vendin me qëllimin siç…
Me thirrjen “Me Arlindën përfundoni”, qytetarë të shumtë janë mbledhur sot në qendër të Prishtinës në protestën gjithëkombëtare kundër vrasjes…
Kosova ka aplikuar për anëtarësim në Zonën e Vetme të Pagesave në Euro (SEPA) dhe, nëse vendi përfshihet në këtë…
Një aksident i rëndë me pasojë vdekjen e një personi është raportuar në një minierë në zonën e Martaneshit. Pas…
Ushtruesja e detyrës së kryetares së PDK-së, Vlora Çitaku, ka deklaruar se anëtarët e grupit punues për strategjinë shtetërore lidhur…
Deputeti i Partisë Demokratike të Kosovës, Mërgim Lushtaku, ka kërkuar që sa më shpejt të përgatitet drafti i parë i…