Sulmuesi gjerman, Leroy Sane është bërë zyrtarisht lojtar i ri i Galatasarayt, pasi ka përfunduar kontratën e tij me Bayern Munichun.
Sane ka nënshkruar një kontratë me klubin e tij të ri që do të jetë e vlefshme deri në qershor të vitit 2028.
Edhe pse vlera e tij në treg është rreth 32 milionë euro, gjigantët turq bënë një punë të shkëlqyer duke e sjellë atë në radhët e tyre falas pasi kontrata e tij me Bayernin skadoi.
✈️ Galatasaray’ın yeni transferi Leroy Sane, İstanbul’a geldi pic.twitter.com/pMRtwoNqTW
— Oğuzhan Ort (@OguzhanOrt) June 11, 2025
Kujtojmë që Sane mbërriti te Bayern pesë vjet më parë nga Manchester City në një transferim me vlerë 49 milionë euro.
Këtë sezon, ai bëri 45 paraqitje, 13 gola dhe gjashtë asistime në të gjitha garat, ndërsa që nga debutimi i tij në vitin 2015, ai ka bërë 70 paraqitje për ekipin kombëtar gjerman, duke shënuar 14 gola.
🔥 Leroy Sane, havalimanının ardından meşalelerin yakıldığını görünce şaşkınlığını gizleyemedi. pic.twitter.com/dCBTUUVMFA
— Forza Cimbom (@forzacimbomtr) June 11, 2025
Mbërritja në Stamboll e Sanes është pritur me entuziazëm të madh nga tifozët e klubit turk, teksa edhe gjermani ndihet i lumtur me aventurën e re.
“Para së gjithash, jam jashtëzakonisht i lumtur. Nuk mund ta përshkruaj lumturinë time. Mund t’i dëgjoj tifozët tani, që është një ndjenjë shumë e ndryshme. Shkurt, duhet të them se jam jashtëzakonisht i lumtur që jam këtu”, tha Sane.
🔥😅 Leroy Sane'nin meşalelerle karşılandığı anlarda arabasından Galatasaray taraftarları. pic.twitter.com/iu7BOC0T3Z
— Forza Cimbom (@forzacimbomtr) June 12, 2025
