Raphael Varane kompletoi transferimin e tij tek Manchester United nga Real Madrid, duke nënshkruar në një kontratë katërvjeçare me klubin anglez.
Ish mbrojtësi i Realit, Varane ka dhënë një intervistë interesante për ‘The Telegraph’ në të cilën flet për kohën e tij në Real Madrid, ambiciet e tifozëve merengue dhe qëndrimin e tij në United.
Në lidhje me sukseset që ka arritur në kryeqytetin spanjoll, francezi ka dashur t’i referohet pak vlerës që tifozët madrilen i japin suksesit të arritur: “Pas fitimit të Ligës së Kampionëve, tifozët nuk ju përgëzojnë. Ata vetëm ju thonë:” shumë mirë, le të shkojmë për një tjetër.’ Unë nuk kam fituar një, kam fituar katër dhe ata më kanë thënë gjithmonë të njëjtën gjë”.
“Kjo është arsyeja pse Real Madridi është i veçantë, sepse ka këtë mentalitet. Është një mentalitet shumë i ndryshëm. Prandaj doja të ndryshoja skenën, jo sepse nuk më pëlqente ky mentalitet ose sepse është i keq. Përkundrazi. është një mentalitet shumë i mirë, por doja diçka ndryshe”, përfundoi mbrojtësi francez. /albeu.com/
