Portieri i Parmas, Gianluigi Buffon, ka thënë se Cristiano Ronaldo e ka menduar mirë vendimin e tij për t’u larguar nga Juventusi dhe për t’iu bashkuar Manchester Unitedit dhe se zgjedhja e tij ishte e drejtë dhe duhet respektuar.
Superylli portugez befasoi me rikthimin e tij në Old Trafford, ndërkohë që spekulohej se mund të shkonte te Manchester City.
“Nuk mendoj se tifozët duhet të befasohen. Ai e ka reputacionin e një profesionisti të madh, i cili me të drejtë mendon shumë për veten”.
“Në këto tri vite, ka kontribuar me paraqitje të shkëlqyera dhe ka shënuar shumë gola. Nuk shoh asgjë jologjike në zgjedhjen e tij për t’u larguar, ai e ka menduar shumë”.
