Trabzonspori synon një tjetër goditje të madhe: Pas Salahut, vihet në ndjekje të fituesit të Topit të Artë

Trabzonspori ka ndërmarrë hapat e parë për të afruar sulmuesin francez Karim Benzema nga klubi saudit Al-Hilal gjatë këtij afati kalimtar, sipas gazetarit turk Yagiz Sabuncuoglu.

Emri i yllit francez i është ofruar klubit turk, ndërsa drejtuesit e Trabzonsporit kanë kërkuar të informohen rreth kushteve të nevojshme për realizimin e transferimit.

Pas këtij zhvillimi, palët kanë nisur paralelisht diskutimet për të vlerësuar nëse marrëveshja mund të konkretizohet.

Interesimi për Benzeman vjen ndërkohë që Trabzonspori vazhdon përpjekjet për të përfunduar transferimin e Darwin Nunezit. Kjo po ndodh pavarësisht zhvillimeve të fundit, të cilat e kanë afruar sulmuesin uruguaian me një kalim në formë huazimi te Al-Dhariyah në Arabinë Saudite.

Për momentin, kontaktet lidhur me Benzeman ndodhen vetëm në fazën e grumbullimit të informacioneve dhe analizimit të kushteve, pa arritur ende në një marrëveshje përfundimtare.

Gjithsesi, përfshirja e Trabzonsporit në garën për sulmuesin francez mund të sjellë zhvillime të reja dhe mjaft interesante në tregun turk të transferimeve.

Ndërkohë, e ardhmja e Benzemas vazhdon të jetë e paqartë. Ai u transferua te Al-Hilali në janar të këtij viti, por zërat për një largim të mundshëm nga klubi saudit gjatë kësaj vere po bëhen gjithnjë e më të shumtë.