Tottenham Hotspur ka rikthyer Morgan Gibbs-White në listën e objektivave kryesorë për afatin kalimtar të janarit. Mesfushori ofensiv anglez shihet si një përforcim i rëndësishëm për skuadrën londineze.
None found
Nevoja për ndërhyrje në repartin e sulmit është rritur pas nisjes së dobët të sezonit në Ligën Premier. Pas pesë javësh, skuadra e Roberto De Zerbit ndodhet në fund të renditjes, me dy barazime dhe tri humbje, ndërsa ka realizuar vetëm dy gola.
Kjo ecuri vjen edhe pse klubi shpenzoi më shumë se 400 milionë euro gjatë afatit kalimtar të verës 2026.
Football Insider raporton se drejtuesit e Tottenhamit po shqyrtojnë një investim rreth 145 milionë eurosh për të përmbushur kërkesën e Roberto De Zerbit, i cili synon ta bëjë më produktive lojën ofensive të ekipit.
Gibbs-White, 26 vjeç, mund të luajë si mesfushor ofensiv ose në një pozicion më të avancuar në mesfushë, ndaj te Tottenhami e konsiderojnë një zgjidhje të vlefshme për problemet e repartit ofensiv.
Gjatë vitit 2026, anglezi ka shënuar 13 gola në Ligën Premier, duke qenë realizuesi më i mirë i kampionatit për këtë periudhë. Në sezonin 2025/26, ai e mbylli me 15 gola në të gjitha garat.
Tottenham kishte provuar ta merrte lojtarin edhe në vitin 2025 dhe ishte i gatshëm të paguante klauzolën e lirimit prej 60 milionë eurosh.
Marrëveshja atëherë dështoi pas kërcënimeve të Nottingham Forestit për të ndërmarrë veprime ligjore, ndërsa Gibbs-White zgjodhi më pas të rinovonte kontratën me klubin.
Një largim në janar nuk favorizohet as nga gjendja financiare e Nottingham Forestit. Klubi nuk ndodhet nën presion për të shitur, pasi ka siguruar të ardhura të konsiderueshme nga transferimi i Elliot Andersonit te Manchester City.
Tottenhami nuk është i vetmi klub që po ndjek situatën e mesfushorit. Edhe Arsenali dhe Manchester Unitedi e kanë përfshirë Gibbs-White në listën e objektivave, një konkurrencë që mund të ndikojë në shumën e kërkuar nga Nottingham Foresti.
Drejtuesit e Tottenhamit pritet të zhvillojnë kontaktet e para zyrtare me përfaqësuesit e lojtarit gjatë nëntorit 2026.
Nëse sigurojnë gatishmërinë e Gibbs-White për t’iu bashkuar klubit, londinezët pritet t’i paraqesin Nottingham Forestit një ofertë të rëndësishme. Sipas raportimeve, 145 milionë euro do të ishin të nevojshme për të hapur negociatat.
nga Prof. Përparim Kabo Ajo që pritej po ndodh, dëshpërimi popullor i grumbulluar ditë pas dite dhe durimi u sos,…
Këtë të diel një dollar dollar amerikan, blihet me 81 lekë dhe shitet me 82 lekë. Euro, blihet me 90.5…
Ditën e sotme vendi ynë, pritet të ndikohet nga kushte atmosferike të paqëndrueshme. Moti parashikohet me vranësira mesatare dreri të…
Dashi Ditë paksa e lodhshme për shkak të një Hëne disi problematike. Nuk ka asgjë për t’u shqetësuar, pasi tetori…
Volkswagen ka vendosur të pezullojë përkohësisht zhvillimin e modelit të ri elektrik ID. Golf, në kuadër të përpjekjeve për të…
Barcelona po shqyrton mundësinë e përforcimit të repartit defensiv gjatë afatit kalimtar të janarit, ndërsa në listën e emrave të…